65Peel 何蘭正 中環/蘇豪
65Peel 何蘭正酒吧推薦-懷舊港風主題創意酒吧 -多款手工啤酒 -人氣黑啤製提拉米蘇 相信係真香港人都聽得出嚟何蘭正嘅店名取得好有玩味。一行入進店內就被懷舊嘅裝潢吸引住雙眼。以霓虹燈拼成嘅「鬼佬涼茶」(即係指啤酒) 非常特別，牆身上亦有7.80年代常見嘅「紙皮石」(即小方磚)，係相當熱門嘅打卡點。 店內提供多款本地手工啤酒，係老闆阿偉本身對啤酒嘅熱忱，同時見當時香港嘅酒吧清一色都係行洋風路線，於是決定開一間酒吧主打融合舊香港感覺，加入唐樓同冰室等港式懷舊情愫，老港人回憶舊時代嘅美好，新訪客淺嘗香港夜生活本地文化，就一定要嚟呢度。 何蘭正酒吧以提供香港本土手工啤酒為主，各種口味都有，作為本地精釀啤酒愛好者嘅老闆，酒吧內嘅生啤全部都係本地嘅精選佳釀，酒單每月更換一次，品牌選擇方面相當豐富，亦有一系列嚟自世界各地嘅樽裝啤酒，滿足各位愛酒者。 酒吧65Peel 何蘭正位於中環/蘇豪區，預約可以電話致電23422224查詢。